❦ အကုသိုလ်ကံနဲ့ ကုသိုလ်ကံ ❦ #အကုသိုလ်ကံဟာ သတ္တဝါတွေရဲ့ စိတ်ဆန္ဒထဲမှာ "အယောနိသောမနသိကာရ " လို့ဆိုတဲ့ Unwise Attention မမှန်မကန် နှလုံးသွင်းခြင်း၊ သတိကင်းမဲ့ခြင်း၊ ဆင်ခြင်ဥာဏ် ကင်းမဲ့ခြင်းဆိုတဲ့ အကြောင်းတရားတွေကြောင့် ဖြစ်တာ။ နောက် " အသပ္ပုရိသူပသဝန " သူတော်မဟုတ်တဲ့ ပုဂ္ဂိုလ်တွေနဲ့ ပေါင်းမိခြင်း၊ " အသဒ္ဓမ္မသဝန " သူယုတ်မာတို့ရဲ့ ဟောပြောချက် တွေကို နားယောင်မိခြင်းဆိုတဲ့ အကြောင်းတရားတွေကို အခြေခံ ပြီး မကောင်းတဲ့အကုသိုလ် အပြောတွေ၊ အတွေးတွေ၊ လုပ်ရပ်တွေ ဖြစ်တာ။ #အဲဒီလိုဖြစ်သွားရင် ဒီကံကြမ္မာက ဘယ်သူနဲ့ ပတ်သက်သွားတုန်း ဆိုတော့ ဖြစ်ရာပုဂ္ဂိုလ်နဲ့ပဲ ပတ်သက်တယ်။ အကျိုးပေးရင်လည်း ဖြစ်ရာပုဂ္ဂိုလ်ကိုပဲ အကျိုးပေးတယ်။ အကုသိုလ်ကံဆိုတာ ဘယ်သူ့သန္တာန်မှာဖြစ်ဖြစ် ဖြစ်ပြီဆိုရင် အတိုင်းအတာတစ်ခုအရ သာဝဇ္ဇ အပြစ်ရှိပြီး ဒုက္ခဝိပါက ဆင်းရဲတဲ့အကျိုးကို ထုတ်လုပ်တယ်။ ကုသိုလ်ကံကတော့ အနဝဇ္ဇ အပြစ်ကင်းပြီး သုခဝိပါက ကောင်းကျိုး ချမ်းသာတွေ ဖြစ်စေတယ်။ ဒီသဘာဝတရားကြီးနှစ်ခုဟာ သတ္တဝါ တွေရဲ့သန္တာန်မှာ ဆိုင်ရာဆိုင်ရာ အကြောင်းတရားတွေ ဦးဆောင်ပြီး ဖြစ်ပေါ်လေ့ရှိတယ်။ #သတ္တဝါတွေဟာ မကောင်းတဲ့ပုဂ္ဂိုလ်တွေနဲ့ ပေါင်းသင်းမိခြင်း၊ မကောင်းတဲ့အပြောအဆိုတွေကို ကြားနာရခြင်း၊ မကောင်းတဲ့ လမ်းညွှန်ချက်တွေကို နာခံရခြင်း၊ မကောင်းတဲ့ တိုက်တွန်းမှုတွေကို ခံရခြင်း စတာတွေကြောင့် မကောင်းတဲ့အကုသိုလ်တွေ လုပ်ဖြစ်တယ်။ လူတော်လူကောင်းတွေနဲ့ပေါင်းမိလို့ ကောင်းတဲ့စကားတွေ၊ ကောင်းတဲ့လမ်းညွှန်ချက်တွေရတယ်။ ကောင်းတဲ့လမ်းညွှန်ချက်တွေရလို့ ကောင်းတဲ့အတွေး၊ ကောင်းတဲ့အပြောအဆို၊ ကောင်းတဲ့လုပ်ရပ်တွေကို လုပ်ဖြစ်ကြတယ်။ #ဟော....အကောင်းအဆိုးဟာ ဆိုင်ရာအကြောင်းတရားတွေရဲ့ ဦးဆောင်မှုနဲ့ ဖြစ်တာ။ မတူညီသောလမ်းကြောင်းကြီးတွေပေါ်မှာ လျှောက်လှမ်းနေကြတယ်တဲ့။ အဲလို လျှောက်လှမ်းတဲ့အထဲမယ် ကံတရားဟာ ဘယ်သူ့သန္တာန်မှာဖြစ်ဖြစ် မကောင်းတဲ့အကုသိုလ်ကံက မကောင်းတဲ့အကျိုးတွေကို ပေးတယ်။ ကောင်းတဲ့ကုသိုလ်ကံက ကောင်းတဲ့ကုသိုလ်ကံက ကောင်းတဲ့အကျိုးကို ပေးတယ်။ သတ္တဝါတွေဟာ ဒီလို ကောင်းကျိုးဆိုးကျိုးကို ခံစားရတယ်တဲ့။ #ဆရာတော်ဒေါက်တာအရှင်နန္ဒမာလာဘိဝံသ

Теги: အကုသိုလ်ကံ သတ္တဝါတွေ ပုဂ္ဂိုလ်

Теги других блогов: အကုသိုလ်ကံ သတ္တဝါတွေ ပုဂ္ဂိုလ်